තවත් පරන කාටූන් සෙට් එකක්

මම ලියපු ඉස්සර බලපු ටීවි සිරිස් සහ කාටූන්,දොස්තර හොද හිත,පිස්සු පූසා පෝස්ට් වලට හොද ප්‍රතිචාරයක් හම්බුන නිසා මම මේ ටිකත් දාන්න හිතුනා.කමෙන්ට් දාපු පෝස්ට් එක බලපු හැමෝටම මම ගොඩාක් ස්තූති කරන්න ඕනා.මොකද ඒ අය නිසා තමයි මට ලියන්න ශක්තියක් වෙන්නේ.ස්තූතියි යාලුවනේ ඔයාලට.මම ගාව තියෙන ටීවි සිරිස් හා කාටූන් ඉල්ලලා මට ගොඩක් මේල් ලැබුනා.ඒ අයට ඒ ටික මම ලබා දෙන්නත් කටයුතු කරමින් ඉන්නවා.


මම ඉතින් කොහොමත් කාටූන් පිස්සෙක් නේ.මේවා ඔක්කොම වගේ මම බලලා තියෙනවා.ඉතින් කවදාවක් වත් මට මේවා අමතක වෙන්නේ නැහැ.දැන් ඉන්න ලමයිට මේ වගේ කාටූන් රසවිදින්න වාසනාවක් නැහැයි කියලයි මට හිතෙන්නේ.අනික මේවා පෙන්නුවත් අද කාලේ අයට මේවා බලන්න වෙලාවකුත් නැහැ නේ.ඒ කලේ අද තරම් තාක්ෂණය අතින් දියුණු නැති උනත් ටයිටස් තොටවත්ත මහත්මයා කරපු දේවල් අදටත් අපේ හිතේ තියෙනවා.කොටින්ම කිව්වොත් අද ඉන්න උන් ටයිටස් තොටවත්ත කියන්නේ කව්ද දන්නේ නැතුව ඇති.අද කාලේ තාක්ෂණය කොච්චර දියුණු උනත් ඒ වගේ දේවල් කරෙන්නේ නැහැ.ඒකයි අද ලමයින්ට පෙන්නන දේවල් ජනප්‍රිය වෙන්නේ නැත්තේ.


එදාට වඩා රූපවාහිනී නාලිකා කොච්චර අද තියෙනවද?? හරි නම් වෙන්න ඕන ඉතා හොද වැඩසටහන් වැඩියෙන් නිෂපාදනයනේ. ඒත් දැන් වෙන්නෙම පුළුවන් තරම් මෙලෝ රහක් නැති  කාටූන්,ටෙලි නාට්‍යය නිෂ්පාදනය වීම.ඉස්සරහට බලන නංගි කෙනෙක්ට හරි මල්ලි කෙනෙක්ට හරි මේක උදව් වේවි බලා ගන්න මොනවද ඉස්සර තිබ්බ කාටූන්,ඒවා කොච්චර ලස්සනද  කියලා.මොකද අද කාලේ ඉන්න ලමයි මේ වගේ කාටූන් තිබ්බ කියලවත් දන්නේ නැති නිසා.හරි හරි කියෙව්වා වැඩිද කොහෙද..වැල් වටාරම් නැතුව කෙලින්ම කතාවට බහිමු.


මුලින්ම හා හා හරි හාවා නොහොත් bugs bunny

හා හා හරි හාවා...කැලේ මැදින් ආවා....හිටගෙන ගග ගාවා...වටපිට ඇහැලෑවා.මේකේ වීඩියෝ එකක් මම අමාරුවෙන් හොයා ගත්තා මෙන්න ඒක....

කැස්පර් නොහොත් Casper The Friendly Ghost

සැපට දුකට එකට ඉන්නවා.වැරදි තැනදි දඩුවම් දෙනවා...හ හ හා කැස්පර්.මෙයාලු අපේ යාලුවා.

ගලිවරයන් ගේ සුවිසැරිය නොහොත් Gulliver's Travels Glum

වලස් මාමා නොහොත් The Beary's Family

මාමා වලස් මාමා...නැන්දා වලස් නැන්දා....කවුරුද කවුරුද රංඩු කරන්නේ..නැන්දයි මාමායි රංඩු කරන්නේ....මට මේකේ සිංහල එක නම් හොයාගන්න බැරි උනා.ඉංග්‍රිසි එක නම් හම්බුනා.මෙන්න ඒක.

සැපදුක හාරන මීයෝ

මේක ගියේ රූපවාහිනියේ.ඔයලට මේක අමතක වෙන්න ඇති නේ..ඔන්න මට නම් අමතක නැහැ හොදේ..හික් හික්

මෙතනින් බලන්න

ඊලගට දගර වලිග ලප වානර නොහොත් Marsupilami

මේක රූපවහිනියෙන් මිලදීගන්න පුලුවන් රූ එන්ටටේට්මන්ට් වලින්.මම හොයගත්තා වීඩියෝ එකක්.නමුත් මේක ඔරිජිනල් එක නම් නෙමේ

සෝරෝ....

අසි අසි අසි..අසිපත අත ගත් අසරුව සෝරෝ සෝරෝ..

හයිලෑන්ඩර්

පැංචා

කව්ද බෝයි

මේක දැන් පෙන්නන්නේ නැත්තේ මේකේ වැඩිපුර දුම් පානය දර්ශන ඇතුලත් නිසා

බබාලන්තය නොහොත් තොත්ත බබාලා

ණාන කතා මල්ලියා

තව මට හොයා ගන්න බැරිඋන ටිකක් තියෙනවා

ඉගුරු පාන් මල්ලියා

නයිල් නදී කුමරී

මම මෙතනදී සූර පප්පා,දගයා ගැන කිව්වේ නැත්තේ ඒක තාමත් ටීවි වල යන නිසා.

මෙතනදී මම තව දෙයක් මතක් නොකලොත් මම අසාදාරනයක් කලා වෙනවා ඒ ටයිටස් තොටවත්ත නොහොත් ටයි මාමාට.ඔබ අපිට ලබා දුන්නු දේවල් වලට අපි සදා ණයගැතියි ටයි මාමේ.

ටයි මාමා සමග සිලුමිණ සාකච්චාව මෙතනින්

තව අතුල රංසිරිලාල් මාමාටත් ස්තූති වෙන්න ඕනා