Wednesday, November 2, 2011

දඩ කොල..මෙලෝ රහක් නැති පොලිස් කතා


ලංකාවේ පොලීසිය ගැන අපේ රටේ අයට අමුතුවෙන් කියන්න ඕනා නැහැ නේ.සමහරක් කරන ජරා වැඩ නිසා හොද නාමයක් දිනාගෙන සමාජය යහපත් කරන්න අවංක උත්සහයක් දරන අවංක නිලධාරීනුත් මේ නිසා මිනිස්සුන්ට එපා වෙනවා.හරියට අර කිරි කලයට ගොම බිංදුවක් වැ‍ටුනා වගේ අර අවංක නිලධාරීන් කරන වැඩ වලින් වැඩක් නැතුව යනවා.


අපේ රටේ බහුතරයක් ඉන්නේ ජරාව පෙන්නන්න බැරි අය.කොටින්ම කිව්වොත් කටින්මයි ඉල්ලන්නේ.මේක අපේ ආරෙන් එන පුරුද්දක් වෙන්න ඇති.මොකද අපේ මිනිස්සු කොච්චර හදන්න හැදුවත් හදන්න බෑ.බලු වලිගය උනපුරුකේ දාලා වත් ඇද අරින්න බෑ කියනවනේ.කහ ඉරවල් පාරේ දාලා තියෙනකොට පනින්නේම කහ ඉර පෙනි පෙනී.මග හැම තැන කුනු බාස්කට් තියෙනකොට එක හිස් වෙලා තියෙද්දී ඒක වටේ කුනු පිරිලා.බාස්කට් එකට දාන්න කම්මැලි කම නිසා පාරේ හැම තැනම දාලා යනවා.ඕවා ගැන කතා කරලා වැඩක් නැහැ.මොකද අපේ අයට ඕක සතියෙන් එක හමාරෙන් අමතක වෙලා යනවා.


හරි මෙන්න මේකයි මම කියන්න ගිය කතාව.පෙරේදා මම අපේ ප්‍රොජෙක්ට් එකේ වැඩකට UK ගියා මගේ යාලුවෙක්ගේ ගෙදර.හි හි UK කිව්වේ United Kingdom  නෙමේ අපේ ලංකාවේ ලෝකල් UK උස්වැටකෙයියාව.බස් එකේ ගියොත් රෑට එන්න බස් නැති නිසා මම වාහනේ ගියේ.නුගේගොඩ අනුලා එක ඉස්සරහ තනි සුදු ඉර ලාවට කපා ගෙන මම බස් එකකට ඉස්සර කලා.හුටා බාප්පලා දෙන්නෙක් මාව නැවැත්තුවේ නැතැයි එතන හෝල්ට් එක ගාව.එක්කෙනෙක් මගේ ගාවට ඇවිත් 



??? :මහත්තයා කරපු වැඩේ වැරදියි නේ.සුදු ඉර කපන්න බැනේ.කොහේටද යන්නේ??
මම :කොලබට සර්.
??? :බලපත්‍රය තියෙනවද??
මම :ඔව් මෙන්න සර්.
??? :මේකට මම දඩයක් ලියලා දෙන්නම්.සාමාන්‍යෙන් මේක උසාවි දාන්නේ.
මම :හා කමක් නැහැ සර්.
??? :ඔයාට රස්තියාදු වෙන්න වෙනවා එතකොට??
මම :අව්ලක් නැහැ.
??? :හරි මෙන්න.


බුවා දඩ කොලේ පිරෙව්වේ යට ඉදන් උඩට.බැලුවේ ජරාවක් කියලා මට තේරුනා.බුවාලා ඉන්නේ අපි "අනේ සර් එහෙම කරන්න එපා මොකක් හරි කරන්නම්" කියන වචනේ එනකම් තමා.එතකන් ලියන්නේ නැහැ.මුගේ තියෙන ජරා කම කියන්නේ මාත් එක්ක තියෙන මලට කොලේ විතරයි දුන්නේ අනිත් දිග කොලේ(දඩේ ගාන තියෙන කොලේ) දුන්නේ නැහැ.හවස 3න් පස්සේ ***** පොලිසියට එන්න කිව්වා.දිග කොලේ දෙන්න පොත ගෙනාවේ නැහැ කියලා.මොනවා කරන්නද ගමන යන්න පරක්කු වෙන නිසා මම එකත් අරන් ගියා.


මම යාලුවගේ ගෙදර ගිහින් ප්‍රොජෙක්ට් එකේ වැඩේ ඉවර කරගෙන ආපහු කොලබට එනකොට 7.30 විතර උනා.කොල්ලුපිටිය හරියෙදී මම බඩගිනි නිසා මොනවාහරි කන්න වාහනේ කඩයක් අයිනට දාලා නතර කරා.මම බහිනවත් එක්ක ට්‍රැ‍ෆික් බයික් එකක් ඇව්ත් මම ගාවින් නතර කරා.


"සර් මෙතන නවත්තන්න බැහැ."පිටිපස්සේ හිටපු බුවා කිව්වා.
මම :අහ් සොරි සර් ඉන්න මම වෙන තැනකට දාන්නම්.
පිටිපස්සේ හිටපු බුවා:එහෙම බැහැනේ.ලයිෂන් තියෙනවද??
මම :ඔව් සර් අද උදේ මම ඉර කපලා දඩ කොලයක් ලිව්වා.මෙන්න ඒක.
පිටිපස්සේ හිටපු බුවා:ආ ඒකනේ කියන්නේ.මේකට 500ක විතර දඩයක් මම දාලා දෙන්නම්.
මම :අයියෝ සර් එහෙම කරන්න එපා සර්.
ඉස්සරහ හිටපු බුවා :මේකට අපි දඩ කොලයක් දුන්නම ඔයා මේක ගෙවලා ***** පොලිසියට ඇවිත් මේ කොලේ අරගෙන තමා ***** පොලිසියට යන්න වෙන්නේ.ටිකක් කරදරයි නේ.
මම :අනේ ඔව් සර් සහනයක් කරන්න බැරිද?
ඉස්සරහ හිටපු බුවා :ආ එහෙනම් අපිට සිගරට් 12 පැකට් එකක් ගෙනත් දෙනවා ඔය කඩෙන්.සිගරට් එකක් දැන් 20 නෙමේ 22 හරිද.
මම :හරි සර් මම දන්නවා.ඉන්න මම ගෙනත් දෙන්නම්.


මම ඉතින් ගෙනත් දුන්නා.මොනවා කරන්නද ඕකට දඩයක් ලිව්වොත් මටමනේ කරදරේ.අනික මුන් එක්ක කට ගහගෙන ගියොත් වැඩ වරදින නිසා මම මුකුත් කිව්වේ නැහැ.



තව ගිය මාසේම දවසක්.මම ගමෙන් ආපු යාලුවෝ 3න් දැනෙක් එක්ක යුනිටි එකට ගියා ලැප් එකක් ගන්න.ගමෙන් ඉදන් ආපු යාලුවෙක්ගේ ‍ටුක් ‍ටුක් එකක තමා අපි ගියේ.ඉතින් අපි කොල්ලුපිටියේ සෙලාන් එකට ගිහින් සල්ලිත් අරගෙන ඩුප්ලිකේෂන් එකේ එනකොට බගතලේ පාර හරියෙදී පෙට්‍රල් නැතුව නැවතුනා.පොඩි හිරිකඩ වැස්සකුත් තිබ්බා ඒ වෙලාවේ.ඔන්න ඉතින් ත්‍රීවීල් එක දකුනු පැත්තේ අයිනට කරලා.මායි තව යාලුවෙකුයි හිස් බෝතලයක් අරගෙන ප්‍රෙට්‍රල් ෂෙඩ් එකක් හොයාගෙන ගිහින් අරන් එනකොට අපේ වීල් එක ගාව ට්‍රැ‍ෆික් බයික් එකක් නතර කරලා.


??? :ඕයි දන්නේ නැද්ද මෙතන නවත්තන්න බෑ කියලා.
යාලුවා :අනේ සර් ප්‍රෙට්‍රල් නැතුව නැවතුනේ ඒකයි.
??? :මේක උසාවි දාන්න වෙනවා.අලුත්කඩේ උසාවිය.හරිද.
යාලුවා :අනේ සර් එහෙම කරන්න එපා සර්.අපි මේ අහුංගල්ලේ ඉදන් එන්නේ.
??? :තමුසෙලා ගාව මාරු සල්ලි තියෙනවද??
යාලුවා :ඔව් සර්.
??? :ආදායම් බලපත්‍රය ඇතුලේ දාලා ගෙනත් දෙනවා.
යාලුවා :ආ සර්.මෙතන 150ක් තියෙනවා සර්.කමක් නැද්ද??
??? :තොපි හිතුවද අපි හිගන්නො කියලා??කමක් නැහැ.කෝ??හරි එහෙනම් පරිස්සමින් පලයල්ලා.
බුවාලා දෙන්නා ඒක අතට අරගෙන බයික් එකත් ස්ටාට් කරගෙන යන්න ගියා.


ඔන්න ඔහොමයි ගිය මාසේ අප්පිරියම පොලිස් සීන් ටික උනේ.මේ වැඩේ කරපු මාත් වැරදියි තමා.ඒත් මොනවා කරන්නද??


ලෝකෙන් උතුම් රට ලංකාවයි.සිරි ලංකාවයි.


මේක ලිව්වේ අවංක සේවයක් ඉ‍ටු කරන පොලිස් නිලධාරීන්ට නෙමේ.ජරා වැඩ කරන ජරා බුවාලාටය.


පලි:මේවා ලියලා මාව අල්ලස් හා දූෂන එකෙන් ඇවිත් අල්ලන් යයිද දන්නේ නැහැ.

8 ක් අදහස් දක්වන ලදී:

Anonymous said...

මොනා කොරන්නද! අාසියාවෙ අර එකනෙ! :(

Dinesh said...

මේවට ඉතින් මොනවා කියන්නද කියලා දන්නවා උනත් කියන්න බෑ...

සංකල්ප said...

අර උස්වැටකෙයියාවට යන ගමන් අල්ලපු පොලිස්කාරයාට කීයක් හරි දීලා වැල්ලේ උසාවියෙන්ම වැඩේ ක්ලෝස් කරලා දාන්න තිබ්බේ. පවු ඒ රාලහාමි බඩගින්නේ වෙන්ටෑ හිටියේ. කන්න කීයක් හරි දෙන්න තිබ්බා.

පිස්සා පලාමල්ල said...

ජරාව කියල මේ විදියට ඉල්ලනවද... අසෝබනයි. පොලිස් කතා සෙට් එකක් මාත් ලිව්වා

Anonymous said...

mata polis karayoi... higannoi athara wenasak penne na...

පිස්සු පුසා said...

@Dinesh :හි හි කියන්න ඒපා...ඒක හරි නැහැනේ..ලොල්

@මධුරංග :හික් හික්...ලොල්

@පිස්සා :ඒකනේ..හි හි මම කියෙව්වා...

@ඇනෝ :අපිටත් එහෙම තමයි ඇනෝ

පිස්සු පුසා said...

@තනි අලියා :හ්ම්..

Unknown said...

q173b3vkfum870 wholesale sex toys,dildo,dildo,cheap sex toys,realistic dildos,black dildos,dog dildo,dog dildos,wholesale sex doll b190g2wsdij912

Post a Comment